ಚಿಕಾಗೊ ದಲ್ಲಿ ಗ್ರೇಟ್ ಇಂಡಿಯನ್ ಸರ್ಕಸ್ ಯಜಮಾನ ಇಕ್ಬಾಲ್ ಹರೂನ್ ಖಾನ್(ಜಾಕಿ ಶ್ರಾಫ್). ಆತನ ಮಗ ಸಾಹಿರ್ ಖಾನ್ . ಸರ್ಕಸ್ ನಡೆಸಲು ಇಕ್ಬಾಲ್ ಸಾಲ ಮಾಡಿ ಅದನ್ನು ತೀರಿಸಲಾಗದೆ ಆತ್ಮಹತ್ಯೆ ಮಾಡಿಕೊಳ್ಳುತ್ತಾನೆ. ಅದನ್ನು ಕಂಡ ಸಾಹೀರ್ (ಅಮೀರ್ ಖಾನ್) ಈ ಬ್ಯಾಂಕ್ ಮೇಲೆ ಸೇಡು ತೀರಿಸಿಕೊಳ್ಳುವ ಉದ್ದೇಶದಿಂದ ಆ ಬ್ಯಾಂಕ್ ನಲ್ಲಿ ಕಳ್ಳತನ ಮಾಡುತ್ತಾನೆ. ಅಲ್ಲಿ ಒಂದು ಗುರುತು ಇಟ್ಟು ಹೊರಡುತ್ತಾನೆ.

ಪಕ್ಕಾ ಕಮರ್ಶಿಯಲ್ ಚಿತ್ರವೊಂದಕ್ಕೆ ಬೇಕಾದ ಎಲ್ಲಾ ಸರಕು ಸರಂಜಾಮುಗಳನ್ನು ಹೊತ್ತು ಬಂದಿರುವ ಚಿತ್ರ 'ಕೋಟೆ' ಯಲ್ಲಿ ಹೊಸತೇನಿಲ್ಲ. ಎಲ್ಲವೂ ಹಳೆಯದೇ. ಆದರೂ ಪ್ರೇಕ್ಷಕನಿಗೆ ಯಾವುದೇ ಮೋಸವಿಲ್ಲ. ಅಷ್ಟರ ಮಟ್ಟಿಗೆ ಫ್ರೆಶ್ ಎನಿಸುವ ರೀತಿಯಲ್ಲಿ 'ಕೋಟೆ'ಯನ್ನು ನಿರ್ದೇಶಕ ಶ್ರೀನಿವಾಸ ರಾಜು ನಿರ್ಮಿಸಿದ್ದಾರೆ. ಪ್ರಥಮಾರ್ಧ ಸುಮ್ಮನೆ ನೋಡಿಸಿಕೊಂಡು ಹಾಗೂ ದ್ವಿತೀಯಾರ್ಧ ಹೊಡೆದಾಡಿಸಿಕೊಂಡು ಸಾಗುವ ಈ ಚಿತ್ರ ಎಲ್ಲೂ ಬೋರ್ ಹೊಡೆಸುವುದಿಲ್ಲ ಎನ್ನುವುದೇ ಸಮಾಧಾನಕರ ಸಂಗತಿ.

ನಿರ್ದೇಶಕ ಶಂಕರ್ ಅವರ ಕನಸಿನ ಚಿತ್ರ 'ಎಂದಿರನ್' ಭಾರತೀಯ ಚಿತ್ರರಂಗ ಈ ಹಿಂದೆಂದೂ ಕಾಣದ ಸ್ಪೆಷಲ್ ಎಫೆಕ್ಟ್‌ಗಳೊಂದಿಗೆ ಬೆಳ್ಳಿತೆರೆಗೆ ಅಪ್ಪಳಿಸಿದೆ. ಎಂದಿನಂತೆ ರಜನಿಕಾಂತ್ ಮೇನಿಯಾ ಈ ಬಾರಿಯೂ ಭಾರತದಾದ್ಯಂತ ಸದ್ದು ಮಾಡಿದೆ. ಹಿಂದಿಯಲ್ಲಿ 'ರೊಬೊಟ್', ತಮಿಳಿನಲ್ಲಿ 'ಎಂದಿರನ್' ಮತ್ತು ತೆಲುಗಿನಲ್ಲಿ 'ರೊಬೊ' ಹೆಸರಿನಲ್ಲಿ ಬಿಡುಗಡೆಯಾಗಿರುವ ಚಿತ್ರದ ಬಜೆಟ್ 162 ಕೋಟಿ ರೂಪಾಯಿಗಳು. ಭಾರತೀಯ ಚಿತ್ರರಂಗದಲ್ಲೇ ಇಷ್ಟು ದೊಡ್ಡ ಮೊತ್ತವನ್ನು ಚಿತ್ರಕ್ಕಾಗಿ ಯಾರೊಬ್ಬರೂ ಹಾಕಿದ ಉದಾಹರಣೆಗಳಿಲ್ಲ. ಅದೆಲ್ಲಕ್ಕಿಂತಲೂ ಕಾಸು ಕಾಸು ಕೊಟ್ಟು ಸಿನಿಮಾ ನೋಡಿದವರಿಗೆ ಮೋಸವಿಲ್ಲ ಎನ್ನುವುದೇ ಹೈಲೈಟ್.

ಬಹುದೊಡ್ಡ ಬಜೆಟ್, ಹೃತಿಕ್‌ನ ಸ್ಟಾರ್ ಗಿರಿ, ದೊಡ್ಡ ನಟರ ತಾರಾಗಣ, ಹೆಸರಾಂತ ನಿರ್ದೇಶಕ ನಿರ್ಮಾಪಕರ ಬಣ ಹೀಗೆ ಎಲ್ಲವೂ ಕೈಟ್ಸ್ ಎಂಬ ಚಿತ್ರದ ಮೂಲಕ ಕಳೆದೊಂದು ವರ್ಷದಿಂದ ಸದ್ದು ಮಾಡುತ್ತಲೇ ಇತ್ತು. ಬರೋಬ್ಬರಿ ಒಂದು ವರ್ಷಕ್ಕೂ ಹೆಚ್ಚು ಕಾಲ ಚಿತ್ರೀಕರಣಗೊಂಡು ಭಾರೀ ಸುದ್ದಿ ಮಾಡಿದ್ದ ಕೈಟ್ಸ್ ಚಿತ್ರ ಕೊನೆಗೂ ಬಿಡುಗಡೆಯಾಗಿದೆ. ಕೈಟ್ಸ್ ಚಿತ್ರ ತ್ರಿಭಾಷಾ ಚಿತ್ರವಾಗಿದ್ದು ಇದು ಏಕಕಾಲದಲ್ಲಿ ಹಿಂದಿ ಇಂಗ್ಲೀಷ್ ಹಾಗೂ ಸ್ಪ್ಯಾನಿಷ್ ಭಾಷೆಯಲ್ಲಿ ನಿರ್ಮಾಣಗೊಂಡ ಚಿತ್ರ. ಪ್ರೇಕ್ಷಕರನ್ನು ಎರಡು ತಾಸು ಹಿಡಿದಿಡಬೇಕಾದ ತಂತ್ರಗಳನ್ನೆಲ್ಲ ಇಲ್ಲಿ ಬಳಸಲಾದರೂ, ಚಿತ್ರದ ಬಗ್ಗೆ ನೀರಸ ಪ್ರತಿಕ್ರಿಯೆ ಕೇಳಿ ಬರುತ್ತಿದೆ. ಮೊದಲ ದಿನ ಭರ್ಜರಿ ಕಲೆಕ್ಷನ್ ಆದರೂ, ನಂತರದ ದಿನಗಳಲ್ಲಿ ಕಲೆಕ್ಷನ್‌‌ಗೆ ಮುಳುವಾಗಿದೆ. ಹೃತಿಕ್ ರೋಷನ್ ಚಿತ್ರವೊಂದು ಬಿಡುಗಡೆ ಕಾಣದೆ ಭರ್ಜರಿ ಎರಡು ವರ್ಷಗಳೇ ಸಂದಿವೆ. ಜೋಧಾ ಅಕ್ಬರ್ ನಂತರ ಬಿಡುಗಡೆಯಾದ ಹೃತಿಕ್ ಚಿತ್ರವಿದು. ಹಾಗಾಗಿ ನಿರೀಕ್ಷೆ ಜೋರಾಗಿಯೇ ಇತ್ತು.

ಐಪಿಎಲ್ ಮ್ಯಾಚುಗಳ ನಡುವಿನ ಸಿನಿಮಾ 'ಬರ'ದ ನಂತರ ಇದೀಗ ಒಂದು ಬಹು ನಿರೀಕ್ಷೆಯ ಚಿತ್ರ ಬಿಡುಗಡೆಯಾಗಿದೆ. ಸಾಜಿದ್ ಖಾನ್ ಅವರ ಹೌಸ್‌ಫುಲ್ ಎಂಬ ಪಕ್ಕಾ ಕಾಮಿಡಿಯ ಮನರಂಜನಾತ್ಮಕ ಚಿತ್ರ ಈಗ ಥಿಯೇಟರಿಗೆ ಲಗ್ಗೆಯಿಟ್ಟಿದೆ. ಬೇಸಗೆ ರಜೆಗಾಗಿ ಮನರಂಜನೆಯ ಊಟ ಎಂದೇ ಹೇಳುತ್ತಲೇ ಬಂದಿರುವ ಚಿತ್ರತಂಡ ನಿಜಕ್ಕೂ ನಿಮಗೆ ಕೊಂಚ ಆರಾಮದಾಯಕ ಸುಖಸಂಜೆಯ ನಗುವನ್ನು ನೀಡಬಹುದು. ಕುಟುಂಬ ಸಮೇತರಾಗಿ ನಕ್ಕು ಹಗುರಾಗಬಹುದು. ಈ ಚಿತ್ರದ ಮೂಲಕ ಅಕ್ಷಯ್ ಕುಮಾರ್ ಮತ್ತೆ ತಮ್ಮ ಹಳೆಯ ತಮಾಷೆಗೆ ಮರಳಿದ್ದಾರೆ. ತಮ್ಮ ನಗುವಿನ ಜೊತೆಗೆ ಚಿತ್ರ ನೋಡುಗರನ್ನೂ ಮುಗ್ಧವಾಗಿ ನಗಿಸುತ್ತಾರೆ. ರಿತೇಶ್ ದೇಶ್‌ಮುಖ್ ಕೂಡಾ ಮತ್ತೊಬ್ಬ ಹಾಸ್ಯ ಚಕ್ರವರ್ತಿಯಾಗಿ ಚಿತ್ರದಲ್ಲಿ ಮೇಳೈಸಿದ್ದಾರೆ. ಅರ್ಜುನ್ ರಾಂಪಾಲ್ ತನ್ನ ಪಾತ್ರಕ್ಕೆ ಸಮರ್ಥವಾಗಿ ನ್ಯಾಯ ಕರುಣಿಸಿದ್ದಾರಲ್ಲದೆ, ಈ ಪಾತ್ರಕ್ಕೆ ಇವರೇ ಸರಿಯಾದ ಆಯ್ಕೆ ಎಂಬಂತೆ ತೋರುತ್ತಾರೆ.