ರೀಮಾ ಸೇನ್ ಎಂಬ ಬೆಂಗಾಳಿ ಬೆಡಗಿ ಹಿಂದಿಯಲ್ಲಿ ಅಷ್ಟಾಗಿ ಸುದ್ದಿ ಮಾಡದಿದ್ದರೂ, ತಮಿಳು, ತೆಲುಗಿನಲ್ಲಿ ಸುದ್ದಿ ಮಾಡಿದ್ದು ಹೆಚ್ಚು. ಇಂತಿಪ್ಪ ನಟಿ ಮೊನ್ನೆ ತನ್ನ ಮುಂದಿನ ಹಿಂದಿ ಚಿತ್ರದಲ್ಲಿ ಕಿಸ್ಸಿಂಗ್ ದೃಶ್ಯಕ್ಕಾಗಿ 30 ಟೇಕ್ ತೆಗೆದುಕೊಂಡಿದ್ದಾಳಂತೆ. ಅರ್ಥಾತ್ 30 ಬಾರಿ ಚುಂಬಿಸಿದ್ದಾಳೆ! ಹೌದು. ರೀಮಾ ಸೇನ್ 30 ಬಾರಿ ಚುಂಬಿಸಿದ್ದಾಳೆ. ಇದು ಹೌದಾ ಎಂದು ನೇರವಾಗಿ ರೀಮಾಳನ್ನೇ ಕೇಳಿದರೆ, ಹೌದು. ಆದರೆ 30 ಬಾರಿ ಎಂದು ನಾನು ಲೆಕ್ಕವಿಟ್ಟಿಲ್ಲ. ಆದರೆ ತುಂಬ ಸಲ ರೀಟೇಕ್ ತೆಗೆದುಕೊಂಡೆವು. ಆದರೆ ಆ ಚುಂಬನವೇನೂ ತುಟಿಗೆ ತುಟಿ ಸೇರಿಸಿದ ಚುಂಬನವಲ್ಲ. ಆದರೂ ಸರಿಯಾದ ಚುಂಬನ ದೃಶ್ಯ ಸೆರೆಹಿಡಿಯಬೇಕಾದರೆ ನಾವು 30 ಬಾರಿ ಚುಂಬಿಸಬೇಕಾಯಿತು ಎನ್ನುತ್ತಾಳೆ.

ನೇಪಾಳಿ ರಾಜಕಾರಣಿ ಕುಟುಂಬದ ಹಿನ್ನೆಲೆಯ ಖ್ಯಾತ ಬಾಲಿವುಡ್ ನಟಿ ಮನೀಷ ಕೊಯಿರಾಲ ಹಸೆಮಣೆ ಏರಲು ಸನ್ನದ್ಧರಾಗಿದ್ದಾರೆ. ಇದೇ ಬರುವ ಜೂನ್ 19ರಂದು ನೇಪಾಳಿ ಉದ್ಯಮಿ ಸಾಮ್ರಾಟ್ ದಹಾಲ್ ಅವರನ್ನು ಕೈಹಿಡಿಯಲಿದ್ದೇನೆಂದು ಮನೀಷಾ ಕೊಯಿರಾಲ ಬಹಿರಂಗಪಡಿಸಿದ್ದಾರೆ. 1970ರ ಆಗಸ್ಟ್ 16ರಂದು ಜನಿಸಿದ ಮನೀಷಾ ನೇಪಾಳದ ಪ್ರಥಮ ಚುನಾಯಿತ ಪ್ರಧಾನ ಮಂತ್ರಿ ಬಿ.ಪಿ.ಕೊಯಿರಾಲ ಅವರ ಮೊಮ್ಮಗಳಾಗಿದ್ದು, ಆಕೆಯ ತಂದೆ ಪ್ರಕಾಶ್ ಕೊಯಿರಾಲ ಕೂಡಾ ಸಚಿವರಾಗಿದ್ದರು. ನೇಪಾಳದಲ್ಲಿ ಮಾಡೆಲಿಂಗ್ ಮಾಡುತ್ತಿದ್ದ ಸುಂದರಿ ಮನೀಷಾ ಸುಭಾಷ್ ಘಾಯ್ ನಿರ್ದೇಶನ ಸೌದಾಗರ್ ಚಿತ್ರ ಮೂಲಕ ಬಾಲಿವುಡ್ಡಿಗೆ ಅಡಿಯಿಟ್ಟು ಸಾಕಷ್ಟು ಸುದ್ದಿ ಮಾಡಿದಳು. ನಂತರ ಒಂದಾದ ಮೇಲೊಂದು ಹಿಟ್ ಚಿತ್ರಗಳನ್ನು ನೀಡಿದ ಮನೀಷಾಗೆ ಮಣಿರತ್ಮಂ ಅವರ ದಿಲ್ ಸೇ, ಬಾಂಬೇ, ಸಂಜಯ್ ಲೀಲಾ ಭನ್ಸಾಲಿ ಅವರ ಖಾಮೋಷಿ, ವಿಧು ವಿನೋದ್ ಛೋಪ್ರಾರ 1942: ಎ ಲವ್ ಸ್ಟೋರಿ ಯಂತಹ ಚಿತ್ರಗಳು ಸಾಕಷ್ಟು ಪ್ರಸಿದ್ಧಿ, ಹಣ, ಪ್ರತಿಷ್ಠೆ ತಂದುಕೊಟ್ಟವು.

ನಾನು ಡಿ ಗ್ರೇಡ್ ಸಿನಿಮಾದಲ್ಲಿ ನಟಿಸೋದಕ್ಕೆ ನಾಚಿಕೆ ಪಡೋದಿಲ್ಲ ಎಂದು ಕನ್ನಡತಿ, ನಟಿ ಸ್ನೇಹಾ ಉಲ್ಲಾಳ್ ಎದೆ ತಟ್ಟಿ ಹೇಳಿದ್ದಾರೆ. ಥೇಟ್ ಐಶ್ವರ್ಯಾ ರೈಯಂತೆಯೇ ಇದ್ದಾಳೆ ಎಂಬ ಕಾರಣಕ್ಕಾಗಿ ಇದ್ದಕ್ಕಿದ್ದಂತೆ ಗುರುತಿಸಿಕೊಂಡ ಸ್ನೇಹಾ ಉಲ್ಲಾಳ್ ಎಂಬ ಬೆಡಗಿಯನ್ನು ಸಲ್ಮಾನ್ ಖಾನ್ ತನ್ನ ಲಕ್ಕಿ ಎಂಬ ಚಿತ್ರಕ್ಕಾಗಿ ನಾಯಕಿ ನಟಿಯಾಗಿ ಆಯ್ಕೆ ಮಾಡಿದ್ದರು. ಹೀಗಾಗಿ ಸ್ನೇಹಾ ಸಾಕಷ್ಟು ಪ್ರಸಿದ್ಧಿ ಪಡೆದಳು. ಮಂಗಳೂರು ಮೂಲದ ದೇವಾಡಿಗ ಜನಾಂಗದ ಸ್ನೇಹಾ ಉಲ್ಲಾಳ್ ಹುಟ್ಟಿದ್ದು ಬೆಳೆದದ್ದು ಎಲ್ಲಾ ಮಸ್ಕತ್‌ನಲ್ಲಿ. ಪಿಯುಸಿ ಓದಿದ್ದು ಮುಂಬೈನ ಕಾಲೇಜಿನಲ್ಲಿ. ಆಗಷ್ಟೇ ಐಶ್ವರ್ಯಾ ರೈಯಿಂದ ಬೇರ್ಪಟ್ಟು ವಿರಹಿಯಾಗಿದ್ದ ಸಲ್ಮಾನ್ ತಾನು ತನ್ನ ಮುಂದಿನ ಚಿತ್ರಕ್ಕೆ ಥೇಟ್ ಐಶ್‌ಳಂತಿರುವ ಹುಡುಗಿಯನ್ನೇ ಹುಡುಕಿದ್ದೇನೆಂದು ಪ್ರಕಟಿಸಿದ್ದರು. ತನ್ನ ಮಾತಿನಂತೆಯೇ ಅದೆಲ್ಲೋ ಮುಂಬೈಯ ಕಾಲೇಜಿನಲ್ಲಿ ಹಾಯಾಗಿ ಓದಿಕೊಂಡಿದ್ದ ಈ ಸ್ನೇಹಾ ಎಂಬ ಬೆಡಗಿಯನ್ನು ಪೂರ್ವಾಪರ ಗೊತ್ತಿಲ್ಲದೇ ಆಯ್ಕೆ ಮಾಡಿ ಸೈ ಎನಿಸಿಕೊಂಡಿದ್ದರು ಸಲ್ಮಾನ್. ಇಂಥಾ ಸ್ನೇಹಾ ಹುಟ್ಟಿದ್ದು ಮಸ್ಕತ್‌ನಲ್ಲಿ. 1987ರಲ್ಲಿ ಜನಿಸಿದ ಈಗ ಸ್ನೇಹಾಗೆ 22ರ ಹರೆಯ. 17ರ ವಯಸ್ಸಿನಲ್ಲೇ ಚಿತ್ರರಂಗಕ್ಕೆ ಬಂದಿದ್ದರಿಂದ ಇನ್ನೂ ವಯಸ್ಸು ಮೀರಿಲ್ಲ.

ಕೊಯಿನಾ ಮಿತ್ರಾ ಎಂಬ ಬಾಲಿವುಡ್ ಹಾಟ್ ಬೆಡಗಿ ತನ್ನ ಶೇ.100ರಷ್ಟನ್ನೂ ತನ್ನ ಗಂಡನಾಗುವವನಿಗೆ ಕೊಡುವುದಿಲ್ಲವಂತೆ. ಗಂಡಂದಿರಿಗೆ ನಿಮ್ಮ ಶೇ.100ರಷ್ಟನ್ನೂ ಒಪ್ಪಿಸಿಬಿಡಬೇಡಿ. ನಿಮ್ಮ ಖಾಸಗಿತನವನ್ನು ಕಾಪಾಡಿಕೊಳ್ಳಿ ಎಂದು ಈಕೆ ಮಹಿಳೆಯರಿಗೆ ಕಿವಿಮಾತನ್ನೂ ಹೇಳಿದ್ದಾಳೆ. ಇಂತಹ ಕೊಯಿನಾ ಮಿತ್ರಾ ಕೊಲ್ಕೊತ್ತಾದಲ್ಲಿ ಜನಿಸಿದ್ದು ಅಲ್ಲೇ ವ್ಯಾಸಂಗ ಮುಗಿಸಿದ್ದಾಳೆ. ಆದರೆ ಕಾಲೇಜು ದಿನಗಳಲ್ಲಿ ಮಾಡೆಲಿಂಗ್ ಜಗತ್ತಿಗೆ ಆಕರ್ಷಿತಳಾದ ಕೊಯಿನಾ ಮಾಡೆಲಿಂಗ್‌ನಲ್ಲೇ ತಾನು ಮುಂದುವರಿಯಬೇಕೆಂದು ಆಸೆಪಟ್ಟಳು. ಎಲಿಪಿ ವಿಸ್ಕಿ, ಮಿರಿಂಡಾ, ಕ್ಲಿನಿಕ್ ಆಲ್ ಕ್ಲಿಯರ್, ಮಾರುತಿ ಆಲ್ಟೋ ಮತ್ತಿತರ ಜಾಹಿರಾತುಗಳಲ್ಲಿ ಕಾಣಿಸಿಕೊಂಡು ಪ್ರಸಿದ್ಧಿ ಪಡೆದಳು. ಇಶ್ಕ್, ಆಜ್ ಕೀ ರಾತ್, ಚನೋ ಆಖ್ ತೇರಿ ಮತ್ತಿತರ ಮ್ಯೂಸಿಕ್ ವಿಡಿಯೋಗಳಲ್ಲೂ ಹೆಜ್ಜೆ ಹಾಕಿ ತಾನು ಹಾಟ್ ಎಂದು ತೋರಿಸಿಕೊಟ್ಟಳು. ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಕಣ್ಣಿಗೆ ಇಷ್ಟು ಸಾಕಿತ್ತು. ಹಾಗಾಗಿ ಅವರು ತಕ್ಷಣ ತಮ್ಮ ರೋಡ್ ಚಿತ್ರದ ಐಟಂ ಸಾಂಗ್‌ಗಾಗಿ ಮೈ ಬಳುಕಿಸಲು ಕರೆದರು. ಅದು ಈಕೆಗೆ ಸಾಕಷ್ಟು ಪ್ರಚಾರ ನೀಡಿತು. ನಂತರ ಮುಸಾಫಿರ್ ಚಿತ್ರದಲ್ಲೂ ಪುಟ್ಟ ಪಾತ್ರದಲ್ಲಿ ನಟಿಸಿದಳು. ಆದರೆ ಪೂರ್ಣ ಪ್ರಮಾಣದ ನಟಿಯಾಗಿ ಬಾಲಿವುಡ್ಡಿಗೆ ಕಾಲಿಟ್ಟದ್ದು ಏಕ್ ಕಿಲಾಡಿ ಏಕ್ ಹಸೀನಾ ಚಿತ್ರದ ಮೂಲಕ.

ಸಲ್ಮಾನ್ ಖಾನ್ ಅವರ ಮುಂಬರುವ ವೀರ್ ಚಿತ್ರದಲ್ಲಿ ಸುಂದರ ಝರೀನ್ ಖಾನ್ ಎಂಬಾಕೆ ನಾಯಕಿಯಾಗಿದ್ದಾಳೆ. ಹೊಸದಾಗಿ ಬಾಲಿವುಡ್ಡಿಗೆ ಎಂಟ್ರಿ ಕೊಟ್ಟಿರುವ ಈ ಝರೀನ್ ಖಾನ್ ಈಗ ಸಾಕಷ್ಟು ಹವಾ ಸೃಷ್ಟಿಸುತ್ತಿದ್ದಾಳೆ. ಹೇಳಿ ಕೇಳಿ ಸಲ್ಮಾನ್ ಖಾನ್ ವೀರ್ ಚಿತ್ರದ ಮೂಲಕ ತ್ನ ಹೊಸ ಲುಕ್‌ನಲ್ಲಿ ಭಾರೀ ಹೈಪ್ ಸೃಷ್ಟಿಸುತ್ತಿದ್ದಾರೆ. ಸದ್ಯದಲ್ಲೇ ಚಿತ್ರ ಬಿಡುಗಡೆಯೂ ಆಗಲಿದೆ. ಇಂಥ ಸಂದರ್ಭದಲ್ಲಿ ಈಕೆಯ ಹಲಾ ಕೂಡಾ ಸಾಮಾನ್ಯ ಎಂದರೆ ತಪ್ಪು. ವಿಶೇಷವೆಂದರೆ ಈ ಝರೀನ್ ಖಾನ್ ಥೇಟ್ ಸಲ್ಮಾನ್ ಖಾನ್ ಅವರ ಪಟ್ಟದರಸಿ, ಮನದನ್ನೆ ಕತ್ರಿನಾ ಕೈಫ್ ಥರಾನೇ ಇರೋದು! ಹೌದು. ಈಕೆ ಝರೀನ್ ಖಾ್. ಮೂಗು, ಬಿಳಿಯ ಮೈಬಣ್ಣ, ನೀಳ ಕಾಯ, ತೆಳು ಮೈಕಟ್ಟು ನೋಡಿದರೆ ಮುಖದ ಶೇಪ್ ಎಲ್ಲವೂ ಥೇಟ್ ಕತ್ರಿನಾ ಕೈಫ್ ಥರಾನೇ ಇದೆ.