ರೆಸಿಡೆಂಟ್ ಈವಿಲ್-ರಿಟ್ರಿಬ್ಯೂಷನ್(ತ್ರಿ ಡಿ)ಯ ಐದನೇ ಸರಣಿಯ ಹಾಲಿವುಡ್ ಸಿನಿಮಾ ಸೆಪ್ಟೆಂಬರ್ 28ರಂದು ಭಾರತದಾದ್ಯಂತ ಬಿಡುಗಡೆಯಾಗಲಿದೆ. ಇದು ಇಂಗ್ಲಿಷ್, ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಯಲ್ಲಿ ತೆರೆ ಕಾಣುತ್ತಿದೆ.

ಮುಂಬೈ: ಏಷ್ಯಾದಲ್ಲಿ ಅತಿ ಹೆಚ್ಚಿನ ಬಜೆಟ್‌ನ ಚಿತ್ರ ಎಂದು ಖ್ಯಾತಿ ಪಡೆದಿರುವ 'ಎಂದಿರನ್' ಸೇರಿದಂತೆ ನಾಲ್ಕು ತಮಿಳು ಚಿತ್ರಗಳಲ್ಲಿ ನಟಿಸಿರುವ ಬಾಲಿವುಡ್ ಖ್ಯಾತ ನಟಿ ಐಶ್ವರ್ಯ ರೈ, ತಮಿಳು ಚಿತ್ರರಂಗದಲ್ಲಿ ನಟಿಸುವುದು ಉತ್ತಮ ಅನುಭವವಾಗಿದೆ. ಬಾಲಿವುಡ್‌ನ ಪ್ರಮುಖ ನಟಿಯರು ಹೆಚ್ಚಿನ ಸಂಖ್ಯೆಯಲ್ಲಿ ತಮಿಳು ಚಿತ್ರಗಳಲ್ಲಿ ನಟಿಸಿದ್ದಾರೆ. ಆದರೆ, ನಾನು ಕೆಲ ಚಿತ್ರಗಳಲ್ಲಿ ಮಾತ್ರ ನಟಿಸಿದ್ದಾಗಿ ಹೇಳಿದ್ದಾರೆ.

ಬಾಲಿವುಡ್ಡಿನ ಬ್ಯಾಡ್ ಬಾಯ್ ಖ್ಯಾತಿಯ ಸಲ್ಮಾನ್ ಖಾನ್ ಜೊತೆಗಿನ ಕತ್ರಿನಾ ಸರಸ ಇಂದು ನಿನ್ನೆಯದಲ್ಲ. ವರ್ಷಗಳೇ ಕಳೆದವು. ಆದರೆ ಕತ್ರಿನಾ ತನ್ನ ಹಾಗೂ ಸಲ್ಮಾನ್ ನಡುವಿನ ಸಂಬಂಧ ಕೇವಲ ಗೆಳೆತನ ಮಾತ್ರ ಎಂದಿದ್ದರು. ಜೊತೆಗೆ, ಸಲ್ಮಾನ್ ಜೊತೆಗೆನ ಮದುವೆ ವಿಚಾರ ಬಂದಾಗಲೂ, ತಾನೂಯಿತು ತನ್ನ ಕೆಲಸವಾಯಿತು ಅಂತ ಸುಮ್ಮನಿದ್ದಳು. ಆದರೆ ಇದೀಗ ಕೆಲ ದಿನಗಳ ಹಿಂದೆ ಕತ್ರಿನಾ ತನ್ನ ಹಾಗೂ ಸಲ್ಮಾನ್ ನಡುವಿನ ಖಾಸಗಿ ಕ್ಷಣಗಳನ್ನು ಬಿಚ್ಚಿಟ್ಟಿದ್ದಾಳೆ. ಹೌದು. ಕತ್ರಿನಾ ಹಾಗೂ ಸಲ್ಮಾನ್ ಕೆಲ ವರ್ಷಗಳ ಕಾಲ ಒಂದೇ ಮನೆಯಲ್ಲಿ ವಾಸವಾಗಿದ್ದರು! ಹಾಗಂತ ಕತ್ರಿನಾ ಒಪ್ಪಿಕೊಂಡಿದ್ದಾರೆ. ನಾನು ಮುಂಬೈಗೆ ಬಂದ ಆರಂಭದ ದಿನಗಳಲ್ಲಿ ಸಲ್ಮಾನ್ ಖಾನ್ ನನಗೆ ಜೊತೆಯಾಗಿದ್ದ. ಆತ ಹಾಗೂ ನಾನು ಒಂದೇ ಮನೆಯಲ್ಲಿ ಕೆಲ ಕಾಲ ವಾಸವಾಗಿದ್ದೆವು. ಆತ ನನಗೆ ಹಿಂದಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲು ನೀಡಿದ ಸಹಾಯ ಅಷ್ಟಿಷ್ಟಲ್ಲ ಎಂದು ಕತ್ರಿನಾ ಸಲ್ಮಾನ್ ಬಗ್ಗೆ ಹೆಮ್ಮೆಯ ಮಾತಾಡಿದ್ದಾಳೆ.

ಶಾಹಿದ್ ಕಪೂರ್ ಎಂಬ ಸುಂದರಾಂಗ ಸದ್ಯಕ್ಕಂತೂ ಬಾಲಿವುಡ್ಡಿನ ಹಾಟ್ ನಟ. ಈಗ ಚೋಟುದ್ದದ ಗಡ್ಡ ಬಿಟ್ಟು ರಫ್ ಅಂಡ್ ಟಫ್ ಆಗಿಯೂ ಕಾಣಿಸುತ್ತಿದ್ದಾರೆ ಶಾಹಿದ್. ಕರೀನಾ ಕೈಕೊಟ್ಟ ಮೇಲೆ ಚಿತ್ರರಂಗದಲ್ಲಿ ಮತ್ತಷ್ಟು ಹೆಸರು ಮಾಡಿರುವ ಶಾಹಿದ್‌ಗೆ ಬೈಕ್ ಎಂದರೆ ಪಂಚ ಪ್ರಾಣ. ಆದರೆ ಬೈಕ್ ಬಿಡುತ್ತಾ ರಸ್ತೆಯಲ್ಲಿ ಓಡಾಡಲು ಸಾಧ್ಯವಿಲ್ಲವಲ್ಲ ಇವರಿಗೆ ಅಂದುಕೋಬೇಡಿ. ಶಾಹಿದ್ ಮಧ್ಯರಾತ್ರಿಯಲ್ಲೆಲ್ಲಾ ಬೈಕ್ ತೆಗೆದುಕೊಂಡು ಮುಂಬೈನ ಬೀದಿಗಳಲ್ಲಿ ರೈಡ್ ಹೋಗುತ್ತಾರಂತೆ! ಹೌದು. ಇವರು ವೇಷ ಮೆರೆಸಿ ಹೋಗೋದಿಲ್ಲ. ರಾತ್ರಿಯಾದೊಡನೆ ಶೂಟಿಂಗ್ ಮುಗಿಸಿ ಮನೆಗೆ ಬಂದು ಕೊಂಚ ರೆಸ್ಟ್ ತೆಗೊಂಡ ಮೇಲೆ ಬೈಕ್ ಹತ್ತಿ ಮುಂಬೈನ ಗಲ್ಲಿ ಗಲ್ಲಿಗಳಲ್ಲಿ ಸುತ್ತಾಡುತ್ತಾರಂತೆ. ರಸ್ತೆಯಲ್ಲಿ ಸಿಗ್ನಲ್ ಬಳಿ ಸೆಖೆಯೆಂದು ಹೆಲ್ಮೆಟ್ ತೆಗೆದಾಗ ಕೆಲವರು ಅಚ್ಚರಿಯ ನಗು ಬೀರಿ ಶಾಹಿದ್ ಕಡೆ ನೋಡಿ ಮುಗುಳ್ನಗುತ್ತಾರಂತೆ. ಇನ್ನೂ ಕೆಲವರು ನೋಡಿ ತಮ್ಮ ಪಾಡಿಗೆ ತಾವು ಹೋಗುತ್ತಾರಂತೆ.

ಬಾಲಿವುಡ್‌ನ ಹಾಟ್ ಬೆಡಗಿ ಬಿಪಾಶಾ ಬಸು ಹಾಗೂ ಯುವತಿಯರ ಹೃದಯಕಳ್ಳ ಜಾನ್ ಅಬ್ರಾಹಂ ಅವರ ನಡುವಿನ ಪ್ರೀತಿಗೆ ಇದೀಗ ಭರ್ಜರಿ 9 ವರ್ಷ ತುಂಬಿದೆ. ಜಿಸ್ಮ್ ಚಿತ್ರದ ಸಂದರ್ಭದಲ್ಲಿ ಅಂಕುರಿಸಿದ ಪ್ರೇಮ ಇನ್ನೂ ಗಟ್ಟಿಯಾಗಿದೆ. ಈಗ ಅವರಿಬ್ಬರ ಪ್ರೇಮಕ್ಕೆ ಬರೋಬ್ಬರಿ 9 ವರ್ಷ! ಅದೆಲ್ಲಾ ಸರಿ, 9 ವರ್ಷದ ಪ್ರೇಮ ಅಂತೀರಿ, ಮದ್ವೆ ಯಾವಾಗ ಎಂದರೆ ಬಿಪಾಶಾ ಕೊಡುವ ಉತ್ತರವೇ ಬೇರೆ. ನಮ್ಮ ನಡುವೆ ಅತ್ಯದ್ಭುತ ಅನುಬಂಧವಿದೆ. ನಾವಿಬ್ಬರು ಪರಸ್ಪರ ಗಾಢವಾಗಿ ಪ್ರೀತಿಸ್ತಾ ಇದ್ದೀವಿ. ನನ್ನ ನಡುವೆ ಯಾವ ಅಂತರವೂ ಇಲ್ಲ. ಸುಖ, ಸಂತೋಷ, ನೋವು ಎಲ್ಲವನ್ನೂ ನಾವು ಪರಸ್ಪರ ಸಮಾನವಾಗಿ ಹಂಚಿಕೊಳ್ಳುತ್ತೀವಿ. ದಂಪತಿಗಳಲ್ಲಿ ಇವರುವ ಸಾಮರಸ್ಯ ನಮ್ಮಲ್ಲಿದೆ ಅಂದ ಮೇಲೆ ಮದ್ವೆ ಯಾಕೆ? ನಮೆ ಅದರ ಅಗತ್ಯ ಕಾಣೋದಿಲ್ಲ ಎನ್ನುತ್ತಾರೆ ಈ ಹಾಟ್ ಬೆಡಗಿ.